بالفيديو.. فيفي عبده: دست علم إسرائيل أمام بيجن ومغردون: “يا طاهرة”

قالت الراقصة فيفي عبده إنها داست العلم الإسرائيلي بقدمها أمام مناحم بيجن، رئيس الوزراء الإسرائيلي، أثناء رقصها بفندق مينا هاوس بوجود بيجن، مضيفة: “كنت برقص في مينا هاوس واكتشفت وجود مناحم بيجن، رئيس وزراء إسرائيل، وأنا برقص، حد رمى عليَّ العلم الإسرائيلي على أساس إني أمسكه، فرميته على الأرض تحت رجلي ووقف عليه، ومسكت طرحتي حطيتها على البدلة، وقلت يا أحلى اسم في الوجود يا مصر وسبتهم ومشيت”.

جاء ذلك في حوارها لبرنامج “العاشرة مساء”، مع مقدم البرامج وائل الإبراشي؛ حيث أوضحت أن موقفها لقي إعجاب الكثيرين، قائلة: “تاني يوم جيت لقيت المكان من أول الأهرامات من برة لحد المينا هاوس مليان ورد والناس بتحتفل بيا بسبب اللي عملته”.

وتابعت: “كنت مع زوجي في فرنسا والتليفزيون شغال وشفت بنت فلسطينية بتتخانق مع موشى ديان، وخارجة آكل كافيار أنا وزوجي وبفتح الأسانسير لقيت موشى ديان قدامي، فقلت لزوجي أنا مش هبات في الفندق ده النهاردة”.

وأثارت تصريحات “فيفي عبده” سخرية واسعة من رواد مواقع التواصل الاجتماعي الذين جاءت تعليقاتهم رواد كالتالي:

-hamdy : لا فعلا إحنا ظلمناك ومن حقك تكوني الأم المثالية لمصر مدى الحياة

-walead : عندك صورة أو فيديو للهري ده!! ما انا كمان ضربت جولدا مائير على قفاها

-karam : الهري اللى بتهريه ده مالوش أي فيديو أو دليل، لكن لقائك مع واحد أجنبي موثق بالفيديو

-medhat : ما خلاص بقى يا طاهرة ناقص تقولي أنا صاحبه، أول ضربة جوية معلش يا جماعة حقها بردو دي

– amin : المفروض على الدولة أن تكرمك تكريم يليق بسيادك وتحصلى على نجمة سيناء ونحطلك تمثال في قاعة البانوراما للقوات المسلحة ويكتب اسمك وصورتك على أكبر شوارع القاهرة

رصد